Clara García Garzónek irabazi du EIA21 Arte Lehiaketaren IV. Edizioa

Clara García Garzón izan da Euskal Herriko Unibertsitateko (EHU) Arte Ederren Fakultateak eta EIA21 Arte Lehiaketa, Estudios e Ingeniería Aplicada XXI S.A. (EIA21) enpresak elkarlanean antolatutako lehiaketaren garaileak 162 x 114 cm-ko eta 'Sonrisa' izeneko pieza batekin. Pintura-prozesu batean oinarritutako tekniken konbinazioa erabili ditu Garcíak ditu, hala nola collage-a, argazki-manipulazioa eta geruzen gainjartzea. «Irudiaren eta abstrakzioaren arteko elkarrizketa aztertzen ditut, sorkuntza-prozesua bera esploratuz eta pintura ulertzeko modu berriak proposatuz», azaldu du. Judith Voet eta Anna Firmberger ikasleak ere nabarmendu dituzte.

'Sonrisa'-rekin lehen saria, 3.500 eurokoa eskuratu du; Voeten 'In De Knoop'-ek, 45 x 45 cm-ko hamabi unitatez osatuta dagoen eta formatu ertaineko argazkigintza analogikoan oinarritzen den obrak, 1.500 euroko bigarren saria. Azkenik, hirugarren saria, 1.000 eurokoa, Anna Firmbergerren 'Sleepless Nights, Daily Shower' lanak jaso du. 165 x 110 cm-ko formatu handiko obra honek hiru geruza gainjarriak ditu: begetal paper gaineko errotuladorea eta aluminiozko zinta erabiltzen ditu, konbinazio horrek egitura bisual konplexua sortzen du.

Erakusketa irailaren 12ra arte egongo da publikoarentzat zabalik, eta aukera paregabea eskaintzen du arte-sorkuntzan hasi berri diren belaunaldi berrien lanak gertutik ezagutzeko.

2025ekoa bi erakundeek elkarlanean antolatutako laugarren edizioa izan da. Guztira Arte Ederren Fakultateko ikasleek egindako 77 obra aurkeztu dira.